【裝修佬文章轉載】- 細小空間內的設計魔法

裝修佬話你知 於 08/02/2021 發表 收藏文章

原文連結:https://hkdecoman.com/article/53883

【本文章轉載自裝修佬 - 一站式網上裝修平台】係香港上車買樓從來都唔係一件容易既事,就算買到亦好有可能只係一間普通既蝸居。但既然住得係度當然唔可以虧待自己,以下就為大家介紹為細小家居拉闊空間感既設計方法,等大家可以為自己間屋提升設計感。

一、開放式設計

以呢間屋為例,雖然空間比較細,打門大開,左邊就已經係睡房,設計師特意加高床架,令床褥下方可以有大片儲物空間;而大門右方則處理為客飯廳及廚房合一的空間。簡潔既白磁磚令蝸居空間感更大,睡房間隔亦巧秒地運用咗半面間隔牆,突出了透視感。

二、玻璃間隔

使用木門或石矢牆進行間隔會令室內空間感變細。其實大家不妨試下使用玻璃屏風進行間隔。可以令空間感變大。如果真係需要遮掩既話,可以係玻璃屏風上面加上一道簾,有需要既時候先拉上。

三、貼牆餐桌

如果屋企只有夫婦兩個人,平時又比較少招呼朋友既話,可以考慮設置呢種貼牆既餐桌,平時可以係下方安置椅凳節省空間,唔食飯既時候仲可以用黎做辦公檯添。

四、樓梯儲物

如果係屋企樓底比較高既朋友,可以試下設置閣樓,將空間一分為二。而連接閣樓既樓梯亦可以改裝成儲物櫃,增加室內收納空間。

對於呢種細空間既設計手法,我地訪問左裝修顧問天生裝修佬——Andy,了解下佢既意見:

「呢幾個設計方法都可以為屋企比較細既戶主提供增大空間感既方法,比較容易做既係貼牆餐檯以及玻璃屏風呢兩種,設置係屋入面比較少限制。而開放式空間就需要視乎牆既種類,如果係實心牆既話就唔可以打爛。而如果想設置閣樓既話,一般都建議樓底超過十尺先好做,咁就唔會出現屋內行走撞親個頭或者需要成日彎腰既情況。」

係裝修上有疑問?即刻上網搵搵裝修顧問,進行免費度尺及諮詢。

如果喜歡我們的文章,請即分享到︰

標籤: 空間  細小  設計  裝修  裝修佬  

留言


請按此登錄後留言。未成為會員? 立即註冊
    快捷鍵:←
    快捷鍵:→